Kryebashkiaku i Tiranës, Erion Veliaj ka rezultuar pozitiv me koronavirus. Nëpërmjet një postimi në ‘Facebook’, Veliaj konfirmon se pas testit ka mësuar se është infektuar me COVID-19.
Ai bën me dije se është në gjendje të mirë shëndetësore, së bashku me anëtarët e tjerë të familjes.
“Miq, pas testit më njoftuan se dola pozitiv nga covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia.
Askush prej nesh nuk është imun ndaj këtij virusi, ndaj JU LUTEM 🙏🏻❤️ mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj!
Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish”, shkruan Veliaj.
