Presidenti i Turqisë Rexhep Tajip Erdogan, me anë të një video-mesazhi nga shteti turk, ka përgëzuar vendin tonë për hapjen e Spitalit Rajonal të Fierit. Erdogani ka deklaruara se spitali , i bërë me donacione të Turqisë, uron që të jetë shenjë miqësie mes dy vendeve. Gjithashtu Erdogan thekson se ka bërë gjithçka për Shqipërinë dhe do vazhdojë të mbështesë vendin tonë.
Erdogan ka uruar muajin e shenjtë të Ramazanit dhe që ky muaj të sjellë shëndet dhe mirësi për shqiptarët. Ai ka thënë se Turqia ka qenë mbështetësja kryesore e Shqipërisë edhe për tërmetin dhe pandeminë. Gjithashtu duke folur për spitalin ai u shpreh se ka kushte moderne dhe se ështeë një nga investimet më të rëndësishme.
“I dashur Edi Rama dhe ministra të qeverisë shqiptare. Ju përshëndes me respekt. Ju përgëzoj të gjithëve dhe për muajin e Ramazanit dhe uroj që ky muaj të sjellë shëndet e mirësi për vëllezërit e mi shqiptarë. Kemi përforcuar marrëdhëniet shqiptaro-turke, duke rritur partneritetin tonë strategjik. Besoj se do të bashkëpunojmë edhe në të ardhmen.
Turqia ka mbështetur Shqipërinë edhe për pandeminë e për tërmetin, bëmë gjithçka për vëllezërit shqiptarë. Spitali Rajonal në Fier është investim i rëndësishëm i Turqisë. Spitali ka kushte moderne. Do vazhdojmë t’i shërbejmë Shqipërisë. Uroj që ky spital i miqësisë, të shpërndajë sa më shumë mirësi për vëllezërit shqiptarë”, deklaroi Erdogan.
