Kreu i Prokurorisë së Posaçme, Altin Dumani, gjatë tryezës së drejtësisë të organizuar nga Qendra për Studimin e Demokracisë, theksoi se SPK ka dëshmuar aftësinë për të kryer hetime të guximshme ndaj zyrtarëve të lartë.
“SPAK ka treguar se është në gjendje të kryejë hetime të guximshme edhe ndaj zyrtarëve të lartë. Epoka e paprekshmërisë po lëkundet.
Kemi goditur edhe organizata kriminale të cilët janë të përfshirë në vepra penale shumë të rënda. Kemi një rritje të ndjeshme të procedimeve për pastrimin e parave. Lufta kundër korrupsionit ngelet sfidë për institucionin tonë. Jemi në fazën e konsolidimit të institucionit. Jemi në një fazë të re që i takon konsolidimit të institucionit.
Bashkëpunimi me Interpol, Europol dhe Eurojust është shtuar. Lufta ndaj pastrimit të parave kërkon të japë mesazhe të qarta se krimi nuk mund të blejë apo shpërblejë”, tha ai.
