Një person është ekzekutuar me armë zjarri mbrëmjen e sotme në kryeqytet.
Mësohet se ngjarja ka ndodhur në zonën e njohur si “Komuna e Parisit”, pranë Qendrës Kristal.
I vrarë ka mbetur Hekuran Billa, 40 vjeç, teksa detaje të reja nuk dihen ende, teksa zona është rrethuar nga forca të shumta policie, që po hetojnë për zbardhjen e ngjarjes dhe kapjen e autorëve.
Policia e Tiranës ka reaguar për lajmin në fjalë dhe në një njoftim për mediat ka bërë me dije se ngjarja ka ndodhur në orën 22:00 në Komunën e Parisit, por nuk dihen ende rrethanat si ka ndodhur.
“Më datë 11.06.2020, rreth orës 22:00, tek Komuna e Parisit në rrethana ende të paqarta është vrarë më armë zjarri shtetasi H.B., 40 vjeç, i cili po qarkullonte me mjetin e tij. Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit. Menjëherë është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes, si dhe sekuestrimin e çdo prove të vlefshme qê do çojë në identifikimin e autorit“, shkruan Policia.
