Policia greke ka zbardhur operacionin e iniciuar nga zbardhja e komunikimeve në platformat “Sky ECC” dhe “Encrochat” të zhvilluar ditën e djeshme.
Në operacionin ku morën pjesë dhe forcat speciale greke EKAM, 24 persona janë arrestuar ndërsa 7 të tjerë janë shpallur në kërkim. Në dosjen hetimore janë të përfshirë 15 shtetas shqiptarë (njëri i vdekur), disa shtetas grekë dhe shtetas nga Rusia, Moldavia, Gjeorgjia dhe Kina, të cilët ishin pjesë e 4 grupeve kriminale.
Sipas informacionit të policisë, këto grupe organizonin trafikun e drogës nga Shqipëria dhe Spanja, duke përdorur mjete që transportonin materiale të ligjshme, ndërkohë që shpërndanin drogë në Greqi dhe angazhoheshin gjithashtu në transportin dhe pastrimin e parave të fituara nga aktivitetet e paligjshme.
Gjatë hetimeve, u zbuluan 106 episode të lidhura me trafikun dhe shpërndarjen e lëndëve narkotike, me një sasi totale prej 1 ton e 784 kg marijuanë dhe 43 kg e 700 gram kokainë.
Gjithashtu, u dokumentua transporti dhe pastrimi i parave, si dhe një tentative për vrasje ndaj shtetasit Ari Papa, ngjarje e ndodhur më 26 shkurt 2021 në Greqi. Llogaritet se nga aktivitetet e trafikut dhe shpërndarjes së drogës janë qarkulluar rreth 8 milionë e 455 mijë euro.
Gjatë kontrolleve të kryera ditën e djeshme në kuadër të operacionit janë sekuestruar rreth 9.5 kg marijuanë (një pjesë e llojit SKUNK), 1450 bimë narkotike cannabis sativa, rreth 1.3 kg kokainë, 4 pistoleta, 1 cifte, 463 fishekë, 1 silenciator, 1 tytë arme, 6 krehëra, 16 thika, 2 shkopa, 1 përforcues grushti, 1 shkop metalik, 17 lëndë poroteknike, 6 peshore, 1 grirës droge, materiale për vjedhje, 1 orë e shtrenjtë, 49 celularë, 4 lap top, 3 tableta, 1 kartë identiteti false, 1 numërues kartmonedhash, 1 hard disk, mbi 30 automjete, 7 motorra, 475.300 euro, 7.400 lekë shqiptare, 160 dollarë australianë, 2 senti ganeze, 140 slot polake, 160 dirham të Emirateve të Bashkuara Arabe, 1 lirë floriri.
Grupet kriminale:
Grupi “Grabocka – Salati”
Denis Grabocka, 36 vjec nga Korca
Andon Salati, 32 vjec nga Vlora
Aleksandër Sadikaj, 27 vjec nga Memaliaj
Aleksandro Pando, 30 vjec nga Vlora
Meriol Grabocka, 39 vjec nga Korca
Andrea Salati, 65 vjec nga Vlora
Kostandin Salati, 37 vjec nga Vlora
Enea Pando, 35 vjec nga Vlora
Ermal Loli, 37 vjec nga Tirana
Armand Kola, 32 vjec
Grupi “Aleksandër Sadikaj”
Aleksandër Sadikaj, 27 vjec nga Memaliaj
Viktorio Qytyku, 30 vjec
Elson Hajredini, 34 vjec
Si dhe një përdorues i paidentifikuar i aplikacionit “Sky ECC”
Grupi “Aleksandro Pando”
Aleksandro Pando, 30 vjec nga Vlora
Nikolla Pando, 64 vjec nga Vlora
Enea Pando, 35 vjec nga Vlora
