Anija e marinës italiane “Libra” ka mbërritur mëngjesin e sotëm në ujërat e bregdetit të Shëngjinit dhe pritet të ankorohet në port rreth orës 8:00.
Sipas të dhënave, në bord janë tetë emigrantë, të cilët do të kalojnë në procedurat e nevojshme në qendrën pritëse përpara se të transferohen në kampin e Gjadrit.
Fillimisht ishte planifikuar që në kamp të dërgoheshin nëntë persona, por një prej tyre, një emigrant i moshuar nga Bangladeshi, nuk mundi të udhëtonte për shkak të gjendjes së dobët shëndetësore dhe moshës së avancuar.
Emigrantë, po kalojnë kontrolle fizike dhe shëndetësore për të siguruar që nuk kanë probleme shëndetësore.
Pas përfundimit të këtyre kontrolleve, ata pritet të dërgohen drejt kampit të Gjadrit.
Situata është e mbikëqyrur me masa të forta sigurie, ku janë të pranishme forcat e shumta të policisë dhe autoritetet italiane për të siguruar rendin. Kontrolli fillestar për emigrantët po kryhet në anije dhe do të vazhdojë më tej në qendrën pritëse, përpara se të arrijnë në kampin e Gjadrit, siç raportoi gazetari Ndreka.
