Gledis Nano është emëruar drejtori i ri i Policisë së Shtetit dhe do të zëvndësojë në këtë post Ardi Veliun, i cili u largua ditën e djeshme nga detyra.
Mësohet se vendimi është marrë në mbledhjen e sotme të qeverisë dhe ka qenë ministry Bledi Çuçi ai që e ka propozuar emrin e Nanos për këtë post. Vendimi për emërimin e tij është firmosur nga zv/kryeministri Arben Ahmetaj.
Deri më tani Gledis Nano kishte mbajtur postin e drejtorit të antiterrorit dhe në muajin gusht ambasadorja e SHBA-ve Yuri Kim, i dorëzoi një certifikatë vlerësimi në emër të qeverisë amerikane.
Kjo u bë me motivacionin për rolin dhe disa operacione të përbashkëta të suksesshme antiterrori me amerikanët drejtuar nga zoti Nano.
Gledis Nano ka qenë për 5 vite në krye të antiterrorit dhe ka drejtuar disa operacione deilkate, një prej të cilave ishte ai i dëbimit të diplomatëve rusë e iranianë nga Shqipëria.
Kujtojmë që Ardi Veliu u largua ditën e djeshme nga detyra pas ii dorëzoi një letër kryeministrit Edi Rama, ku shkruante se “ do t’i përkushtohej familjes dhe fëmijëve, të cilët janë në një moshë delikate”. Rama e ndau letrën e Veliut në Twitter, ku binin në sy gabimet e shumta drejtshkrimore dhe mungesa e vulës së institucionit.
