Italia do të rifillojë përdorimin e vaksinës AstraZeneca COVID-19 qënga dita e nesërme , tha Kryeministri Mario Draghi, pas një raporti nga Agjencia Evropiane e Barnave që gjykoi se përfitimet e saj tejkalonin rreziqet.
Italia ishte midis disa prej vendeve që kishin pezulluar përdorimin e vaksinës në fillim të kësaj jave pas raporteve të çrregullimeve të rralla të gjakut në një grup njerëzish që kishin marrë vaksinën kohët e fundit.
“Prioriteti i qeverisë mbetet të vaksinojë sa më shumë njerëz të jetë e mundur sa më shpejt të jetë e mundur,” tha Draghi në një deklaratë të shkurtër.
Po ashtu Franca do të rinisë vaksinimin me AstraZeneca pas konfirmimit të sigurisë nga EMA.
Kryeministri francez Jean Castex do të marrë të premten dozën e vaksinës AstraZeneca për COVID-19, njoftoi stacioni televiziv Francez BFM TV.
Mbikëqyrësi i Barnave i Bashkimit Evropian tha më herët të enjten se ishte ende i bindur se përfitimet e vaksinës së AstraZeneca tejkalojnë rreziqet pas një hetimi në raportet e çrregullimeve të gjakut që nxitën një pjese të vendeve të Bashkimit Europian që të pezullojnë vaksinimin me këtë vaksinë.
Ndërkohë, Castex pritet të përshkruajë kufizimet e reja të COVID për Francën në një konferencë shtypi më vonëgjatë kësj mbrëmjeje.
