Agjencia Europiane e Barnave (EMA) ka aprovuar vaksinën Pfizer-BioNTech për moshat 12-15 vjeç – e para e lejuar për këtë grupmoshë në Europë. Shtetet individuale anëtare tani duhet të vendosin nëse do t’u ofrojnë vaksina fëmijëve, ndërkohë që dhëheqësit gjermanë dhanë dritën jeshile të enjten. Nga ana tjetër, SH.B.A. dhe Kanada miratuan vaksinën Pfizer për adoleshentë në fillim të këtij muaji.
Njoftimi i së premtes erdhi ndërsa Organizata Botërore e Shëndetësisë (OBSH) tha se Evropa duhej të shpejtonte përhapjen e vaksinave. Drejtori i OBSH-së për Evropën, Hans Kluge paralajmëroi se pandemia nuk do të mbarojë derisa të paktën 70% e popullsisë të vaksinohen.
Marco Cavaleri, shefi i strategjisë së vaksinave të EMA, tha se grupmoshës 12-15 vjeç do t’u duheshin dy doza me një interval prej të paktën tre javësh.
Ai tha se provat treguan se vaksina Pfizer ishte “shumë parandaluese” për Covid-19 tek fëmijët.
“Nga një perspektivë e sigurisë, vaksina tolerohej mirë dhe efektet anësore në këtë grupmoshë ishin shumë të ngjashme me ato që kemi parë tek të rriturit e rinj dhe duke mos ngritur shqetësime të mëdha në këtë moment në kohë,” shtoi ai.
BE tashmë ka aprovuar vaksinën Pfizer për ata të moshës 16 vjeç e lart.
Drejtuesit federalë dhe shtetërorë gjermanë ranë dakord të enjten që fëmijët mbi 12 vjeç mund të fillojnë të marrin vaksina për Covid nga 7 Qershori.
