Të tjera zhvillime kanë ndodhur ditën e sotme lidhur me ekzekutimin e 31 vjeçarit, Taulant Gjikaj, në Vlorë.
Mëngjesin e kësaj të enjte policia ka shoqëruar në polici 12 persona, si të dyshuar për vrasjen e Gjikajt.
Gjithashtu, policia ka ushtruar kontroll në 8 banesa për kapjen e dy autorëve të tjerë, që ishin të përfshirë në krim. 31-vjeçari, që mbeti i vrarë, ishte djali i një ish-punonjësi policie dhe një person me të shkuar kriminale.
Mësohet se pista kryesore mbi të cilën po hulumtojnë hetuesit është ajo e prishjes së pazareve të drogës. Gjikaj ishte një person me precedent të mëparshëm penali, i arrestuar për armëmbajtje pa leje gjatë një konflikti me armë mes bandave në qytetin e Vlorës në vitin 2017.
Lidhur me viktimë një fakt tjetër i rëndësishëm është zbuluar nga e shkuara e tij. Mësohet se viktima zotëronte tre emra. Veç emrit Taulant, viktima njihej dhe me ermrat Beqir dhe Manaj.
Kujtojmë se 31-vjeçari Tauland Beqiraj (Manaj, Gjikaj) u vra me breshëri kallashnikovi në Vlorë. Ngjarja e rëndë ka ndodhur në mes të ditës në rrugën Transballkanike pranë Gjykatës së Apelit. 31-vjeçari është qëlluar me breshëri kallashnikovi. Kanë qenë 3 persona të përfshirë, ku dy prej tyre dalin dhe e qëllojnë në rrugë 31-vjeçarin dhe një tretë i i priste për t’i larguar me makinë.
