Pas zbardhjes së krimit makabër të Eglantina Bucit, ku babai dhe vëllai i saj e kishin ekzekutuar për çështje nderi, babai i vajzës, Faik Buci ka mohuar akuzat në dëshminë e tij përpara grupit hetimor.
Përpara uniformave blu, Buci ka theksuar se e ka mohuar si fëmijë vajzën e tij, pas atyre gjërave që ajo ka bërë, por kjo e fundit është gjallë dhe punon si prostitutë. Ai ka shtuar në dëshmi se edhe nëse vajza i del përpara sot ai do ta vrasë me duart e tij.
“Eshtrat në Malin me Gropa nuk i përkasin vajzës time. Eglantina është gjallë, është prostitutë. Unë e kam mohuar si fëmijë. Edhe sot po të më dalë përpara e vras”, ka thënë në dëshminë e tij babai i Eglantina Bucit përpara policisë.
Kujtojmë se vrasja e Eglantina Bucit dyshohet se ka ndodhur në vitin 2012 dhe babai e vëllai i saj, Faik dhe Shkëlzen Buci u akuzuan për vrasjen e 23-vjeçares dhe pas 8 vitesh ndodhen në burg.
