Paraditen e sotme ka ndodhur një ngjarje e rëndë ku në qytetin e Shkodrës janë ekzekutuar dy vëllezër, Astrit dhe Brahim Balili.
Pikërisht për këtë çështje ka shkuar në qytetin verior edhe Ministri i Brendshëm, Sandër Lleshi.
Në konferencën për median ku edhe njoftoi se shkarkonte Drejtorin e Policisë së Shkodrës, Vehbi Bushatin, ka folur edhe për krimin e rëndë.
“Sot tentakulat e krimit të organizuar kanë arritur të godasin. Kjo ngjarja ka ngritur në alarm policinë, megjithatë goditjet që i janë dhënë krimit në Shkodër përsëri rezulton që lufta ndaj këtij krimi nuk është fituar ende. Mbetet ende shumë për të bërë. Metastazat e këtij krimi treguan sot që janë gjallë dhe kanë mundësinë për të goditur”, -tha Lleshaj.
Megjithatë ministri është treguar shumë i kujdesshëm për mos të dhënë asnjë detaj nga hetimi që është duke u realizuar në lidhje me vrasjen, megjithatë edhe një herë tjetër përmendi se policia do të angazhohet plotësisht në çështje.
“Hetimet janë në proces të plotë. Nuk mund t’ju them asgjë për hetimet. Di që ka një angazhim të plotë. Janë angazhuar strukturat e policisë për ta zbardhur sa më shpejt këtë rast dhe rastet e tjera që janë në proces për tu mbyllur.
Qytetarët nuk kanë pse të ndihet të pasigurt. E gjithë vëmendja e policisë së shtetit është këtu. Garantojmë se nuk ka hapësira për frikë. Kemi të bëjmë me një rast specifik, sepse kemi të bëjmë me larje hesapesh.”–u shpreh ministri i Brendshëm.
