Qyteti i Durrësit, ashtu si Lezha, është tronditur nga një ngjarje tragjike, ku vëllezërit Viktor dhe Besmir Haxhia janë ekzektuar me armë zjarri në zonën e Nishtullës.
Deri tani bëhet me dije se dy vëllezërit janë me origjinë nga Puka dhe prej kohësh jetojnë në lagjen nr.7 në Spitallë.
Dy të rinjtë kanë përshkruar rrugën nga Universiteti “Aleksandër Moisiu” për në tregun e makinave në qytet, ku edhe janë qëlluar me breshëri kallashnikovi nga ana e atentatorëve.
Makina e tyre është ende në vendngjarje duke u “çmontuar” nga grupi hetimor, ndërsa trupat e tyre janë dërguar në morgun e qytetit.
Deri tani policia ka shoqëruar 30 persona si dëshmitar të ngjarjes, një pjesë e të cilëve mësohet të jenë banorë të zonës.
Një nga pistat ku po hetohet për motivin e vrasjes së dy vëllezërve është ajo e dhënies së makinave me qira, biznes nën pronësinë e Besmirit.
Sakaq, nuk dihet nëse viktimat kanë pasur njohje me agresorët e tyre, pasi mësohet se ata e kanë ndaluar vetë makinën.
LEXO edhe: Detaje të reja nga vrasja në Lezhë, trupat e pajetë u gjetën nga djali i njërit prej viktimave
