Një sasi eksplozivi është zbuluar mbrëmjen e djeshme në zonën e njohur si “Veliera” në Durrës, pas sinjalizimit të bërë nga kalimtarë të rastit që vunë re lëndën e dyshimtë dhe njoftuan menjëherë policinë.
Menjëherë pas mbërritjes në vendngjarje, forcat e rendit rrethuan zonën dhe bllokuan qarkullimin për disa orë, ndërkohë që u angazhuan ekspertët xhenierë për të menaxhuar situatën.
Lënda plasëse u shpërthye në mënyrë të kontrolluar, pa shkaktuar dëme.
Deri më tani nuk ka asnjë informacion mbi autorët apo motivet e mundshme të vendosjes së eksplozivit, dhe policia nuk ka dhënë ende një njoftim zyrtar në lidhje me rrethanat e ngjarjes. Hetimet vijojnë.
