Ditën e sotme eksperti i Energjisë, Lorenc Gordani ka qenë i ftuar në Fax News ku ka folur lidhur me vendimin e marrë nga ERE ditën e djeshme për rritjen e çmimit të energjisë nga 1 tetori për ata që do të konsumonin më shumë se 800kw në muaj.
Gordani tha se nuk pati asnjë reagim nga shoqëeia civile, prandaj edhe ERE miratoi politikën e propozuar nga qeveria. Ndërsa sqaroi se deri në konsumin 800 kw në muaj, çmimi nuk do ndryshonte ndërsa çdo kw më tepër kësaj fashe do kushtonte 50.4 lekë dhe jo më 9.5 lekë.
“Unë do nisesha duke thënë që gjatë kësaj kohe qeveria ka bërë një vendim që duhet të ishte bërë publik që në prill. Ne gjatë kësaj kohe duhet të kishim një ndërgjegjësim nga shoqëria civile, por mesa duket në vendin tonë, shoqëria civile mbahet nga donatorët dhe nuk kanë pasur asnjë komunikim të haput. ERE ka humbur mundësinë e artë për të mrojtur rolin e vetë duke hapur një komunikim publik për transparencë. Në finale kemi këtë vendimmarrje që ishte e pritshme.
Është një propozim i bërë nga qeveria. Qytetarët nuk bërë asnjë reagim për fashën 800kë në muaj.
Deri në 800kw nuk ndryshon asgjë, do paguhet si më parë pra 9.5 lekë. Edhe nëse harxhon më shumë, nuk është se pjesa tjetër preket. Shembull nëse në faturë shkon deri në 801kw orë, do paguhet jo më me 9.5 lekë për kilovat por me 50.4 lekë me TVSh”– u shpreh Gordani.
