Disa ditë më parë Luan Rama dha dorëheqjen nga të gjitha funksionet drejtuese në Lëvizjen Socialiste për Integrim, po ashtu në një intervistë të dhënë për emisionin”Opinion” në “News 24” ai u shpreh se do t’i kthehej profesionit të vjetër, pra gazetarisë. Gjithashtu ai ka pohuar se ka paraqitur tashmë disa projekte në disa subjekte mediatike dhe është në diskutim me to. Luan Rama nuk dha më shumë detaje në lidhje me këtë temë dhe tha se këtë do ta shohim me kalimin e kohës, me sa duket një nga mediat ku ka paraqitur projektin e tij ëshët radiotelevizioni Ora. Ai është parë ditën e sotme në shoqërinë e pronarit të këtij televizioni Ylli Ndroqi.
Burime të sigurta për Gazeta Reforma kanë bërë me dije se Luan Rama do të jetë çdo të hënë dhe të enjte në TV Ora me emisionin që do të quhet “Drejt”. Ai do të zëvendësojnë në këtë hapsirë televizive Artur Zhejin dhe Alfred Lelën. Kujtojmë se Zheji ishte disa vite në këtë TV dhe u zëvendësua vjet nga Alfred Lela dhe këtë vit duket se as gazetarin Alfred Lela nuk do ta shohim më tek TV Ora, pasi do ta marr Luan Rama.
Ajo që vihet re nga vendimi i Luan Ramës është se ai la politikën për të vazhduar aksionin opozitar, pasi ka zgjedhur një TV i cili i përket opozitës
Me sa duket këtë sezon do ta shohim ish-nënkryetarin në televizion. Sjellim në vëmendje se Luan Rama në fillimet e karrierës së vet ka qenë gazetar për shumë vite dhe kryeredaktor i gazetës “Zëri i Popullit”.
