Një ngjarje tepër e rëndë ka ndodhur para disa ditësh në qytetin e Durrësit, ku një nënë e re ka denoncuar në Polici rrahjen e vajzës së saj të mitur 18 muajshe nga edukatoret e çerdhes ku ajo e çonte.
Pas denoncimit nga nëna, policia ka arritur të procedojë penalisht shtetasin G.D, 61-vjeç, pronarin e çerdhes.
GazetaReforma.com mëson se çerdhja ku ka qenë 2-vjeçarja, ndodhet në lagjen 8, pranë Spitalit Rajonal të Durrësit.
Burimet e GazetaReforma.com tregojnë se fëmija 18 muajshe ishte rrahur brutalisht nga edukatorja dhe ka pasur shenja të nxirash në trup, si dhe kishte pësuar traumë. Bëhet me dije se fëmija i është nënshtruar ekspertizës mjeko-ligjore dhe i janë dokumentuar nëpërmjet fotografimit shenjat e dhunës në trup.
Në momentin kur nëna e fëmijës ka shkuar që të marrë çantën e vajzës së saj pas ndodhisë, shtetasi G.D i ka hedhur një 50 mijë leksh të vjetër, duke i kërkuar që mos ta denonconte rastin në polici. /GazetaReforma.com
