Vaksina Covid-19 mund të ketë efekte anësore, sipas ”New England Journal of Medicine” Sipas revistës, mund të kalojmë një sëmundje të lehtë, të moderuar apo një sëmundje të rëndë deri në vdekje me komplikacione. Problemi është se për të bërë një vaksinë duhet një kohë shumë e gjatë, në historinë e njerëzimit vaksinave i është dashur mbi 10 vjet për tu krijuar një vaksinë.
Megjithatë prodhuesit japin garanci se dy vaksinat e para të miratuara kanë efektivitet në 95%.
Efektet anësore më të shpeshta që u vunë re gjatë periudhës së testimit, ishte ajo që vihet re edhe tek vaksina e gripit sezonal, fryrja dhe dhembja e vendit të injektimit të vaksinës, u vërejtën episode temperature, u vërejtën episode të lodhjes, këputjes por duhet theksuar që të gjitha efektet anësore kanë qenë të moderuara dhe janë larguar vet. Vlen për t’u theksuar që nuk ka pasur raste të efekteve anësore të rënda.
Vaksina nuk do të kryhet nga personat nën 16 vjeç, gratë shtatzënë, personat alergjikë dhe personat me sëmundje autoimune.
Vullnetarët në SHBA, të cilët u vaksinuan me dy nga vaksinat kryesore në luftën kundër koronavirusit kanë folur për efektet anësore pas vaksinimit.
Këtë muaj, Moderna dhe Pfizer njoftuan se kandidatët e tyre të vaksinës kishin treguar 95 për qind efektivitet.
Jennifer Haller, e cila u injektua në 16 mars me vaksinën eksperimentale të Moderna në Seattle, tha WVPI-TV se ajo kishte vetëm efekte anësore të lehta.
“Unë mora dy doza të vaksinës me katër javë diferencë”, ka deklaruar ajo.
“Sa herë që merrja një dozë, kisha dhimbje, por të nesërmen nuk kisha asnjë efekt tjetër anësor”.
Haller ishte personi i parë që u vaksinua me Moderna, si pjesë e provës së parë njerëzore të një vaksine për të parandaluar virusin. Ndërkohë, Daniel Horowitz nga Kalifornia, i cili mori pjesë në provën e vaksinës për COVID-19 të Pfizer në shtator, përshkroi simptoma të ngjashme me gripin.
Sidoqoftë, ai deklaroi se pas marrjes së dozave përkatëse, efektet anësore që kishte ishin të lehta.
Departamenti Amerikan i Shëndetit dhe Shërbimeve Njerëzore ka deklaruar se efektet anësore më të zakonshme ishin një shenjë nga organizmi ynë që po fillon të krijojë anti-trupat e nevojshëm kundër një sëmundjeje.
/Gazetareforma.com/
/Gazetareforma.com/
