Ditën e djeshme është raportuar se në një kopsht publik në Elbasan, edukatorja ka dhunuar një fëmijë me autizëm, i cili është vetëm 5 vjeç.
Rasti u bë publik dje nga policia e Elbasanit, e cila njoftoi se po merr masa për zbardhjen e plotë të ngjarjes.
Mirëpo, bashkia në një deklaratë për mediat ka cilësuar se fëmija ka pasur sjellje të dhunshme, duke nënkuptuar se faji këtu nuk është i edukatores, por i të miturit.
“Rasti është referuar nga prindërit në 26 tetor pasdite, kur sipas tyre, fëmijët pretendojnë se edukatorja i ka nxitur të reagojnë ndaj 5-vjeçarit autik, i cili herë herë shfaq hiperaktivitet dhe sjellje të dhunshme”, shkruan bashkia në reagim.
