Kryeministri Edi Rama vijon vizitën e tij në Berlin dhe një ndër takimet e realizuara ditën e sotme ka qënë dhe me kryetaren e SPD, Andrea Nahles, dhe nënkryetarin e Grupit Parlamentar të CDU, Johann Wadephul vetë Rama i komenton shumë pozitive si samitin ashtu dhe takimet.
“Shqipëria meriton njohjen e arritjeve të derikëtushme, përmes çeljes zyrtare të negociatave për anëtarësim.”
Edhe në një postim të bërë ku publikon pamjet e mbylljes së samitit ku liderit e 6 vendeve të rajonit të Ballkanit diskutuan me Kancelaren Merkel dhe Presidentin Macron për stabilitetin e këtij rajoni, Rama thotë se përfundimet janë inkurajuese.Zyra e shtypit e kreut të qeverisë në njoftimin që bëri për mediat pas takimit të tij me Kancelaren Merkel, tha se kishin folur për pritshmëritë e Shqipërisë për raportin e Komisionit Europian që pritet të publikohet në fund të muajit Maj por pa zbuluar mbi qëndrimin që Kancelarja i kishte komunikuar mbi votën e Gjermanisë për këtë vendim në Këshillin Europian.
Në rrjetet sociale, Kryeministri reagoi dhe ndaj komenteve në mediat e samitit të Berlinit.
“I mahnitur nga kazanët e nga ligësitë e të dëshpëruarve që duan me patjetër dështimin e Shqipërisë dhe dështimin me çdo kusht të procesit të dialogut Kosovë/Serbi gjithashtu! Por Shqipëria s’do të dështojë kurrësesi” – thotë ai – “dhe dialogu do vazhdojë pa kushte e as paragjykime nga askush.”
