Pas SHBA-ve dhe disa vendeve të BE-së, edhe Kanadaja ka përcaktuar tashmë kompaninë se nga ku do të blejë vaksinat anti-Covid për popullatën e saj.
Madje, nga 20 milionë doza vaksine, qeveria kanadeze dyfishoi porosinë e vaksinës së koronavirusit në 40 milionë të tilla.
Të hënën, kompania “Moderna” ishte e para që njoftoi lajmin, ku ndër të tjera u bë me dije se, dërgesat e vaksinës së saj në Kanada, mund të fillojnë që këtë muaj, nëse ato miratohen përgjatë muajit dhjetor.
Po ashtu, kompania njoftoi se, furnizimi në Kanada do të vinte nga kapaciteti europian i prodhimit të vaksinave.
“Furnizimi me vaksina në Kanada do të burojë nga kapaciteti evropian i prodhimit të ‘Moderna-s’”,- thuhet në deklaratën e kompanisë farmaceutike.
Ndërkohë, Mbretëria e Bashkuar ka bërë gjithçka gati për të nisur fushatën e vaksinimit në masë të popullatës ndaj koronavirusit të ri, me dozat e prodhuara nga “Pfizer” dhe “BioNTech”.
/GazetaReforma.com/
