Për shkak të rritjes së rasteve me COVID-19 si shumë vende të tjera europiane dhe Greqia ka vendosur masa të reja kufizuese për të parandaluar përhapjen e virusit.
Ditën e sotme kryeministri grek Kyriakos Mitsotakis njoftoi masat e reja që do të hyjnë fuqi nga ora 06:00 ditën e martë (3 nëntor) dhe do të mbeten në fuqi për një muaj.
Minisistria e Shëndetësisë në Greqi e ka ndarë vendin në dy zona, të quajtur ‘mbikqyrja’ dhe ‘Rritja e rrezikut’.
Mitsotakis sqaroi se zona e parë (Zona e Mbikqyrjes) përfshin të gjitha prefekturat që deri më tani paraqesin pak raste, ato që deri më sot janë në “ jeshile ” dhe “të verdhë ”
Masat që do të merren në këto zona:
Përdorimi maskës kudo, brenda dhe jashtë.
Nga 12:00 në mbrëmje deri në 5:00 në mëngjes nuk do të lejohet lëvizja
50% në sektorin publik dhe privat dhe shumica të punojnë online.
Mësimi online në univeristete
Zona e ‘Rrezikut të Rritur’ përfshin zonat që deri më sot nuk janë vetëm në “të kuqe”, por edhe në “portokalli”. Kjo përfshinë gjithë Greqia Veriore, por edhe Atikën.
Mbyllen të gjitha restorantet, fast-food,etj, lejohet shërbimi në shtëpi.
Mbyllen të gjitha vendet argëtuese, kulturore dhe sportive: Bare, kafene, kinema, muze dhe teatro, si dhe palestra.
Kujtojmë që deri më tani në Greqi 620 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 37,196.
