Një lajm i trishtë vjen për botën e artit shqiptar mëngjesin e sotëm, kur është ndarë nga jeta poeti dhe kineasti Petrit Ruka. Ai mbylli sytë në moshën 67-vjeçare, gjatë orëve të para të mëngjesit, teksa prej kohësh vuante nga një sëmundje në zemër.
Petrit Ruka ka lindur në Tepelenë më 21. 08. 1954. Ai kreu studimet e larta për Gjuhë Letërsi Shqipe dhe studimet pasunuversitare pёr dramaturgji filmike, Akademia e Arteve të Bukura. Nga viti 1986-1996 ai ka qenë Skenarist dhe regjisor në Kinostudion “Shqipёria e Re” dhe Alba Film Studio.Tiranё. Në vitin 2000 ai u emërua Drejtor nё Teatrin Kombëtar të Fëmijëve.
Librat që ka botuar:
- “ Rinia ime” vёllim, poezi, 1978.
- “ Atdheu fillon tek zemrat” vёllim, poezi 1983
- “ Mirupafshim, hënë e vendlindjes!” vёllim, poezi, 1990
- “ Vërtitu, Kokë e prerë!” vёllim, poezi, 2000.
- “ Në zemër bie shi…” vёllim, poezi, 2003
- “Shtatë mijë shirat e mi” poezi të zgjedhura, 2008
- “Kalorësi mbi det“ esse monografike për Kadri Roshin 2009
- “Iso dashurie“ Ars Poetika & Petrit Ruka, poezi e zgjedhur 2015
- “Nëntë vjet e nëntë ditë“ Poemë baladeske, 2015
Ai gjithashtu ka realizuar më shumë se 30 filma, ku ndër të tjera ka qenë skenarist për filmat “Një djalë dhe një vajzë”, “Lumi që nuk shteron” etj. Ndër të tjera, Petrit Ruka ka relizuar skenaret për filma dokumentarë, filma vizatimorë etj.
