Një ngjarje e trishtë ka ndodhur pasditen e kësaj të shtune. Covid-19 i merr jetën 21-vjeçarit nga fshati Polis i Librazhdit, i quajtur Emiljano Tola.
Faqja zyrtare në “Facebook”, e Fakultetit të Mjekësisë në Tiranë, i ka kushtuar një shkrim vdekjes së 21-vjeçarit, ku i shprehin ngushëllimet e tyre familjarëve për këtë humbje të madhe.
“Sot mungon mes nesh Emiljano Tola. Student i shkëlqyer i vitit të tretë në progamin mësimor Mjekësi e Përgjithshme. Dekanati i Fakultetit të Mjekesisë shpreh ngushëllumet më të sinqerta familjes për këtë humbje të madhe. Uprehsh në paqe!”, shkruhet në postim.
Tola ishte student në vitin e tretë në Fakultetin e Mjekësisë në Tiranë. Sipas shokëve të tij, i riu ishe shtruar në gjendje të rëndë në një prej spitaleve COVID ku dhe ka ndërruar jetë.
Kujtojmë se për shkak të varianteve të reja të koronavirusit në vendin tonë, është vënë re një sjellje e re e virusit ndaj moshave të reja Referuar shifrave, është vënë re një rritje e numrit të të rinjve që janë shtruar në spitale apo që kanë ndërruar jetë.
Postimi i plotë i Fakultetit të Mjekësisë në Tiranë:
Nje rrugetim i nderprere ne gjysme!
Sot mungon mes nesh Emiljano Tola. Student i shkelqyer i vitit te trete ne progamin mesimor Mjekesi e Pergjithshme. Dekanati i Fakultetit te Mjekesise, shpreh ngushellimet me te sinqerta familjes per kete humbje te madhe.
U prehsh ne paqe!
DEKANATI
