Rastet e torturimit të kafshëve në vendin tonë nuk kanë të ndalur, madje jo pak herë bëhen publike në rrjetet sociale pamje të rënda ku ato dhunohen në mënyrë mizore. Jo më larg se dje qarkulluan disa foto ku një person tërhiqte zvarrë me motor në aksin rrugorr Lushnjë-Rrogozhinë derisa ai ngordhi. Ditën e sotme policia ka njoftuar se ka hapur procedim penal për personin që e kreu këtë akt të rëndë, 64-vjeçari F.H. Ai do të akuzohet për veprën penale “Keqtrajtimi i kafshëve”
Njotimi i policisë:
Duke marrë shkas nga një foto e publikuar në rrjetet sociale, ku një kafshë shtëpiake, qen, kishte ngordhur pasi pronari i tij e kishte tërhequr zvarrë me motorr në aksin rrugor Çermë-Lushnjë, ju sqarojmë se:
Specialistët për Hetimin e Krimeve në Komisariatin e Policisë Lushnjë, menjëherë identifikuan dhe shoqëruan në ambientet e Policisë, bashkë me motomjetin e tij me targa LU199A, shtetasin F. H., 64 vjeç, banues në Zhamë, Lushnjë.
Në vijim të veprimeve, u procedua penalisht shtetasi F. H., për veprën penale “Keqtrajtimi i kafshëve” dhe materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.
Drejtoria Vendore e Policisë Fier fton qytetarët të denoncojnë në numrin 112 dhe në Komisariatin Dixhital, çdo rast të paligjshmërisë në tërësi, duke iu garantuar anonimatin dhe reagim të shpejtë e të paanshëm.
