Mbrëmjen e djeshme në Greqi, një ngjarje tragjike tronditi qytetin e Liosias. Policia zbuloi në oborrin e një banese trupin e djegur të një personi të moshuar. Ngjarja mori vëmendjen e fqinjëve, të cilët njoftuan autoritetet pasi ndjenë një erë të fortë të keqe që dilte nga banesa.
Në vendngjarje, policia gjeti djalin e të moshuarit, i cili u arrestua menjëherë. Raportet fillestare sugjerojnë se djali mund të ketë marrë këtë veprim ekstrem për shkak të mungesës së mundësive financiare për të kryer ceremoninë e varrimit të babait të tij.
Fqinjët kanë rrëfyer se ata kishin vënë re një erë të rëndë që vinte nga shtëpia e të moshuarit disa ditë më parë, duke lënë të kuptohet se ai mund të kishte ndërruar jetë që një kohë. Po ashtu, ekziston dyshimi se djali vuante nga probleme të shëndetit mendor, gjë që e komplikon më tej situatën.
Një fqinj ka dhënë një dëshmi të rëndësishme, duke thënë: “Ai ishte rreth moshës 80-85 vjeç dhe djali rreth 60-65 vjeç. Kishte një erë të fortë, që nga e marta që vinte nga banesa. U grindën, gjyshi i kishte thënë një fqinji se i biri po e rreh. Djali është profesor, është i arsimuar. Shtëpia e tyre ishte konfiskuar dhe kishte ardhur edhe pronari dhe për 2-3 ditë do t’ia dorëzonte”.
Hetimet vazhdojnë për të zbardhur plotësisht rrethanat e vdekjes së të moshuarit dhe përfshirjen e mundshme të djelit në një akt të mundshëm vrasjeje.
