Një ngjarje e rëndë ka ndodhur në Letoni ku një efektive e Forcave të Armatosura të Shqipërisë ka humbur jetën.
Mësohet se efektivja ka ndërruar jetë si pasojë e shpërthimit të një mine, gjatë një misioni të NATO-s në Letoni për demontimin e minave.
Përveç efektives të plagosur kanë mbetur edhe dy efektivë të tjerë të forcave tona.
Menjëherë pasi është mësuar ngjarja ka reaguar edhe Shefi i Shtabit të Forcave të Armatosura, Bardhyl Kollçaku, i cili për mediat ka dhënë detaje të reja.
Shefi i Shtabit bën të ditur identitetet e efektives që ka humbur jetën dhe të atyre që kanë mbetur të plagosur.
“Zarife Muharrem Canaj, Klodian Tanushi, rreshet Xhevat Kapaj sipas informacioneve që kemi, majori dhe Kapaj janë nën kujdesin maksimal. Për ngjarjen e sotme, jemi nën kontakt me autoritetet letoneze. I shpreh ngushëllimet familjes në emër të shtabit të FA. Siguroj familjarët se po ndjekim me vëmendje maksimale atë që ka ndodhur. S’ka vend për panik. Jemi pranë efektivëve të FA kudo që ndodhen”, ka thënë Kollçaku.
