Një ngjarje e rëndë është regjistruar këtë mëngjes në Tiranë. Marsel Hysa, 47 vjeç, është vetëhedhur nga kati i tretë i Spitalit të Traumës dhe si pasojë e dëmtimeve të marra ka humbur jetën. Burime nga trauma shpjegojnë se pacienti ka qenë në shoqërinë e motrës së tij. Kjo e fundit, raportohet paraprakisht, ka deklaruar se ka tentuar ta ndalojë por nuk ka mundur.
Njoftimi:
Tiranë/Informacion paraprak
Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë.
Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë.
47-vjeçari vuante nga probleme të shëndetit mendor, dhe sipas deklarimeve të familjarëve ka tentuar të vetëvritet dhe më parë.
Grupi hetimor po punon për sqarimin e rrethanave të ngjarjes.
Trupi i pajetë i Isa Rexhepajt ende në morg, Familjarët kërkojnë dorëzimin për kryerjen e ceremonisë mortore
Familjarët e Isa Rexhepajt, 65-vjeçarit që u gjet i vdekur pesë ditë pas humbjes së kontakteve me të afërmit, kërkojnë...
