Një aksident i rëndë ka ndodhur në Rrogozhinë ku janë përplasur 3 automjete. Aksidenti i shumëfishtë në Rrogozhinë i ka marrë jetën dy personave ndërkohë që ka lënë në gjendje të rëndë dy të tjerë.
Ka qënë oficer i burgjeve që ishte nisur për në punë në Burgun e Peqinit, i cili fillimisht është përplasur me një makinë tip ‘Benz’. Në makinën tip BENZ udhëtonin dy persona, burrë e grua, të cilën u përplasën edhe nga mbrapa nga një tjetër makinë.
Oficeri i burgjeve që goditi çiftin ndërroi jetë gjatë transportit për në spital, ndërkohë që po ashtu gruaja e cila ishte në makinën që u godit prej tij dhe një mjeti tjetër më pas ka ndërruar jetë.
Kujtojmë se dje një tjetër aksident i rëndë ka ndodhur në Kashar. Tre persona humbën jetën ndërsa një tjetër mbeti i plagosur si pasojë e një aksidenti rrugor orët e vona të së enjtes në Kodër Kashar, Tiranë.
Aksidenti ka ndodhur gjatë orës policore, ku për shkak të masave antiCovid nuk lejohet qarkullimi i automjeteve.
Mësohet se se drejtuesi i mjetit, 27-vjeçari i identifikuar si Zija Murati, ndodhet në spital, në gjendje të rëndë. Aktualisht i riu po i nënshtrohet një ndërhyrje kirugjikale. Gjithashtu bëri dhe testin, për të verifikuar nëse kishte konsumuar alkool.
Mjeti ku udhëtonin katër persona, me targë rumune, ka dalë nga rruga dhe është përplasur me murin e një banese, ku për pasojë tre pasagjerët kanë humbur jetën në vend.
Si pasojë e traumës nga aksidenti ndërruan jetë në vend 2 pasagjerët, Ismail Sula, 40 vjeç dhe Lulëzim Sula, 47 vjec, banues në Kashar.
Ndërsa pasagjeri tjetër, Dashamir Dema, 39 vjeç ishte me shenja jete dhe u transportua në spital, por nuk mundi të mbijetojë. Mes të tjerash raportohet se dy viktimat, Lulëzimi dhe Ismaili ishin vëllezër, ndërsa Dashamirin e kishin të afërm, bashkë me shoferin.
Ndërkohë, drejtuesi i mjetit, Zija Murati, ndodhet në spital, nën kujdesin e mjekëve. I riu i është nënshtruar dhe analizave të gjakut për të parë nëse ka konsumuar alkool.
Paraprakisht dyshohet se mjeti ka qenë duke udhëtuar me shpejtësi të lartë në momentin kur ka ndodhur përplasja fatale.
