Shqipëria kohët e fundit nuk po gjen qetësi ndaj ngacmimeve seksuale.
Dy vëllezër nga Kukësi janë arrestuar mëngjesin e sotëm nga policia, pasi akuzohen se kanë abuzuar seksualisht me një vajzë me probleme mendore.
Vëllezërit janë banues në fshatin Lojme.
Ata janë përkatësisht 24 dhe 31 vjeç.
Njoftimi i policisë:
Specialistët për Hetimin e Krimeve në Komisariatin e Policisë Kukës bënë arrestimin e dy shtetasve, Xh. H., 31 vjeç dhe M. H., 24 vjeç (vëllezër), banues në fshatin Lojme, Kukës.
Arrestimi i tyre u bë pasi dyshohet se kanë kryer marrëdhënie seksuale me një shtetase kosovare, 20 vjeçe, duke përfituar nga pazotësia fizike dhe mendore e saj.
Materialet në ngarkim të shtetasve XH. H. dhe M. H. i kaluan Prokurorisë pranë Gjykatës së Shkallës së Parë Kukës, për veprën penale “Marrëdhënie seksuale ose homoseksuale me persona të pazotë për t’u mbrojtur”.
