Një ngjarje e rëndë ka ndodhur në Dibër ditën e sotme në vendin e quajtur “Ura e Lushes” në njësinë Administrative të Arrasit. Një vajzë 12-vjeçare është mbytur tragjikisht në lumin Drin teksa ka qenë duke u larë. Mësohet se e mitura që është mbytur është E.D., dhe është nga Tirana. Ajo kishte shkuar të dajat e saj në Arras ku edhe ngjarja e rëndë ka ndodhur. Dyshohet se 12-vjeçarja ka qenë duke u larë dhe më pas është mbytur në lumin Drin. Efektivët e policisë së bashku me banorët e zonës kanë bërë të mundur gjetjen dhe nxjerrjen e trupit të pajetë të së miturës nga lumi.
Ndërkohë, grupi hetimor ndodhet aktaulaisht në vendin e ngjarjes ku edhe ka nisur hetimet dhe po vijon nga puna për të zbardhur shkaqet dhe rrethanat e ngjarjes së rëndë.
Njoftimi i plotë i policisë së shtetit:
Dibër/ informacion paraprak
Në vendin e quajtur “Ura e Lushes”, njësia Administrative Arras, një 12 vjeçare dyshohet se duke u larë në lumin Drin është mbytur.
Shërbimet e Policisë në bashkëpunim dhe me banorët e zonës kanë bërë të mundur gjetjen dhe nxjerrjen e trupit të së miturës.
Grupi hetimor vijon hetimet për zbardhjen e shkaqeve të ngjarjes.
