Ditën e sotme një ngjarje e rëndë ka ndodhur në Kosovë ku dy fëmijë kanë humbur jetën në një liqen artificial.
Policia e Kosovës bën me dije se ngjarja e rëndë ka ndodhur në fshatin Milloshevë në Prishtinë, ku fillimisht është nxjerrë i pajetë vetëm trupi i njërit prej fëmijëve.
Ndërkohë pas dy orësh, me ndërhyrjen e forcave speciale, është nxjerrë pa shenja jete edhe fëmija i dytë.
Deri tani nuk janë bërë me dije ende detaje mbi moshën dhe të dhëna të tjera rreth viktimave.
“Fillimisht, policia rreth orës 15 ka pranuar një informacion, se në një liqe të quajtur artificial që gjendet prapa nesh, fillimisht 3 fëmijë kanë shkuar për t’u larë dhe nga informacionet e para dyshohet se 2 prej tyre kanë hyrë brenda dhe nuk kanë arritur të dalin. Më pas, një fshatar që ka qenë afër, ka arritur që njërin nga viktimat ta nxjerrë. Policia e Kosovës, me njësitet e emergjencës, menjëherë kanë arritur në vendin e ngjarjes, dhe kanë tentuar t’i japin ndihmën e parë fëmijë së nxjerrë nga fshatari, i cili gjithashtu ka tentuar t’i japë ndihmë, por fatkeqësisht, nga ekipet mjekësore është konstatuar se ka humb jetën. Ndërsa diku rreth orës 17 e 10, njësitet e kërkim shpëtimit të FSK-së, kanë arritur ta nxjerrin edhe fëmijën e dytë”, ka thënë Baki Kelani, zëdhënës i Policisë së Kosovës
