Një aksident i rëndë ka ndodhur mbrëmjen e sotme në autostradën Levan-Tepelenë rreth orës 20:20, ku dy automjete janë përplasur në vendin e quajtur Buzmadh.
Burimë pranë vendit të ngjarjes bëjnë me dije se si pasojë e përplasjes kanë ndërruar jetë dy persona ndërsa janë plagosur 4 të tjerë.
Zjarrfikësja dhe ambulanca ndodhen në vendngjarje.
Sipas njoftimit zyrtar të policisë janë plagosur dhe katër persona të tjera ndërsa grupi hetimor po merret me zbardhjen e plotë të rrethanave të ngjarjes së rëndë.
Njoftimi i Policisë:
FierInformacion paraprak
Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”.
Si pasojë e përplasjes kanë ndërruar jetë dy shtetas dhe janë plagosur katër të tjerë.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.
Gjithashtu kujtojmë se në muajin Shkurt 2022 numërohen 77 aksidente rrugore nga 79 aksidente të ndodhura në muajin Shkurt 2021, duke u ulur me 2.5 %, krahasuar me të njëjtën periudhë të një viti më parë. Kështu në dymujorin e parë të vitit 2022 numërohen 184 aksidente rrugore nga 204 aksidente, të ndodhura në të njëjtën periudhë të një viti më parë, duke u ulur me 9,8 %.
