Ditën e sotme në orët e para të mëngjesit një ngjarje e rëndë ka ndodhur në Borsh.
Burime bëjnë me dije se si pasojë e zjarrit që u shkaktua nga një shkëndijë elektrike, dy persona kanë vdekur.
Bëhet fjalë për një çift të moshuarish, bashkëshorti Rrapo Çika dhe gruaja e tij Savo, 83 dhe 71-vjeç.
Zjarrfikësit po punojnë ende për shuarjen e zjarrit në banesë.
Çifti i të moshuarve jetonte vetëm, pasi fëmijët e tyre ishin në emigracion.
Njoftimi i policisë:
Më datë 19.02.2022, rreth orës 09:45 në fshatin Borsh, Himarë, ka rënë zjarr në banesën e shtetasit Rr. C., ku si pasojë kanë ndërruar jetë shtetasi Rr. C., 83 vjeç dhe bashkeshortja e tij, shtetasia S. C., 71 vjeçe.
Dyshohet se shkak i zjarrit ka qenë një shkëndij elektrike.
Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga grupi hetimor për zbardhjen e rrethanave të ngjarjes
Kujtojmë se situata e zjarreve në shqipëri ka qenë shumë aktive edhe pse kohët e fundit fatmirësisht nuk ka më vatra aktive, janë shkaktuar me qindra aksidente si pasojë zjarresh nga shkëndija të ndryshme si elektrike ashtu edhe të shkaktuara nga vetë personat.
Kjo varet nga ngjarjet e caktuara që ndodhin në qytete të ndryshme të Shqipërisë.
