Kryeministri Edi Rama ka dalë me një njoftim të ri, në lidhje me masat ndaj koronavirusit.
Shefi i qeverisë i ka caktuar një detyrë të ri policisë dhe ushtrisë.
Ata që nga sot janë të angazhuar në sigurimin e distancave brenda pika të shërbimeve ushqimore dhe farmaceutike.
Rama u ka bërë thirrje qytetarëve që të mbajnë radhën, duke e quajtur koronavirusin një bombë të padukshme.
Postimi i Ramës
POLICIA DHE USHTRIA JANË ANGAZHUAR SOT NË SIGURIMIN E RADHAVE E TË DISTANCAVE NË HYRJE E BRENDA PIKAVE TË SHËRBIMEVE USHQIMORE DHE FARMACEUTIKE!
JU PËRGJËROHEM TË GJITHËVE TË MBAJNË RADHËN SI NJERËZ TË RREZIKUAR NGA BOMBAT E PADUKSHME QË SJELLIN VDEKJE, VUAJTJE, ZGJATJE TË PAFUNDME TË KËSAJ LUFTE🙏
BASHKËNGJITUR SHEMBUJ SE SI E LUFTON BOTA ARMIKUN KUR SHKON PËR TË BLERË USHQIME E ILAÇE, MADJE EDHE PARA DYQANIT NË ARMËVE APO NË SHTËPINË E ZOTIT RRINË NË RADHË E NË DISTANCË!
Qeveria ka ndërmarrë një sërë masash për të parandaluar përhapjen e koronavirusit.
Lëvizja e këmbësorëve është e kufizuar në fashat orare 06:00-10:00 paradite dhe 16:00-18:00 pasdite.
Ndërsa makinat lejohen të qarkullojnë brenda orareve 06:00-08:00 dhe 16:00-17:00, ndërsa duhet të jenë të pajisura me autorizim nga policia.
Për qyetarët e kthyer nga Italia ka nisur aplikimi i gjobave prej 700 mijë lekësh të reja, nëse nuk respektojnë rregullat e vetëkarantimit.
Autoritet bëjnë vazhdimisht thirrje për respektimin e rregullave të higjienës.
Gjithashtu për personat që kanë shenja si temperaturë, kollë, apo vështirësi në frymëmarrje, rekomandohet që të telefonojnë në numrin 127 dhe mos të paraqiten menjëherë në spital.
Aktualisht në Shqipëri janë regjistruar 64 të prekur nga COVID-19 ndërmjet të cilëve 2 viktima dhe një i shëruar.
