Policia e Tiranës po vijon hetimet për zbardhjen e vrasjes së ndodhur dy netë më parë nëAstir.
Mësohet se autori i dyshuar i atentatit ndaj Vilson Tafçiut është Noel Dishi.
Ky i fundit e ka thërritur viktimën për të dalë jashtë nga lokali dhe më pas e ka qëlluar me tre plumba në gjoks.
Dishi është shpallur në kërkim nga policia, e cila ka kontrolluar disa ambjente në kryeqytet, por pa gjetur gjurmë të tij.
Ka dyshime të forta se shkak për vrasjen është bërë një femër, por nuk përjashtohet edhe pista e pazareve të drogës.
Viktima dhe autori ishin shokë, madje kishin udhëtuar disa herë së bashku.
Vilson Tafçiu kishte qenë i arrestuar në mars të 2018-ës në Francë për trafik droge, ku kishte qëndruar për 8 muaj.
Ai ishte deportuar në vendin tonë në nëntor të vitit të kaluar.
Tafçiu qëndronte në Dibër, por kishte ardhur në Tiranë për të varrosur gjyshen.
