Ukraina po përballet me sulmet e vazhdueshme të Rusisë, ndërkohë që tashmë nga Britania e Madhe vjen një pranim i fajit, pasi nuk i kanë ardhur në ndihmë aq sa duhet. Boris Johnson është shprehur se sinqerisht ai e di qe nuk është bërë mjaftueshëm për Ukrainën dhe gjithashtu akoma nuk kanë arritur të mësojnë shkaqet e sjelljes së rusëve.
‘Nuk kemi bërë mjaftueshëm për Ukrainën. Kurrë në jetën time nuk kam parë një krizë ndërkombëtare ku vija ndarëse midis së drejtës dhe së gabuarës ka qenë kaq e zymtë. Uniteti perëndimor ka qenë mbresëlënës dhe inkurajues. A kemi bërë mjaftueshëm për Ukrainën? Përgjigja e sinqertë është jo”. “Ne nuk duhet të lejojmë askënd në Kremlin të shpëtojë nga keqinterpretimi i qëllimeve tona për të gjetur justifikim post-fakto për luftën e tyre të zgjedhur,” tha Johnson.
“Ne nuk kemi arritur të mësojmë veprimet e sjelljes ruse që kanë çuar në këtë pikë. Askush nuk mund të thotë se nuk u paralajmëruam: ne pamë atë që bëri Rusia në Gjeorgji në 2008, Ukrainë në 2014 dhe madje edhe në rrugët e qytetit britanik. Dhe unë e di nga biseda me homologët e mi në vizitat e fundit në Poloni dhe Estoni se sa ashpër e ndjejnë kërcënimin.;-shtoi më tej ai.
Gjithashtu ai ka ndarë në Twitter një tjetër postim, ku prezanton 6 pikat që sipas tij do të ndalojnë Putin.
‘Putini duhet të dështojë dhe duhet parë të dështojë në këtë akt agresioni. Ne duhet të bashkohemi nën një plan veprimi me gjashtë pika për të siguruar që Putini të dështojë në ambiciet e tij. Bota po shikon. Nuk janë historianët e ardhshëm, por populli i Ukrainës që do të jetë gjykatësi ynë.’- shkruan ai.
