Policia e Shkodrës ka arrestuar një shtetas 53-vjeçar pasi akuzohet se ka tentuar të përdhunojë një shtetase 33 vjeçe të cilën e përndiqte prej kohësh. Akuzat që rëndojnë mbi të janë “Përndjekja” dhe “Marrëdhënie seksuale me dhunë me të rritura”.
Po ashtu në pranga ka rënë edhe një 59-vjeçar në fshatin Golem të Shkodrës pasi akuzohet se ka ushtruar dhunë fizike dhe psikologjike ndaj bashkëshortes së tij. Akuza që rëndon mbi të është për veprën penale “Dhuna në familje”. Materialet iu referuan prokurorisë për veprime të mëtejshme.
Njoftimi i policisë:
Shkodër
Arrestohen në flagrancë 2 shtetas.
Nga strukturat e Komisariatit të Policisë Shkodër u bë arrestimi në flagrancë i shtetasit M. Z., 53 vjeç, banues në Shkodër, për veprat penale “Përndjekja” dhe “Marrëdhënie seksuale me dhunë me të rritura” mbetur në tentativë, pasi dyshohet se ka tentuar të kryejë marrëdhënie seksuale me një shtetase 33-vjecare, të cilën e ka përndjekur për një periudhë kohore.
Gjithashtu, nga të njëjtat struktura u bë arrestimi në flagrancë i shtetasit L. S., 59 vjeç, banues në fshatin Golem, Shkodër, për veprën penale “Dhuna në familje”, pasi ka ushtruar dhunë fizike dhe psikologjike ndaj bashkëshortes së tij.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
