Nuk kanë fund largimet nga Partia Socialiste ditën e sotme. Mësohet se në zgjedhjet e 25 prillit nuk do të jetë pjesë e lsitave të Partisë Socialiste as ministrja e Kulturës, Elva Margariti.
Po ashtu ka refuzuar të heq dorë nga drejtimi i Bashisë së Vlorës për të kandiduar si deputet edhe Dritan Leli. Më herët gjatë ditës së sotme është njoftuar edhe largimi i ish-ministres Eglantina Gjermeni. Po ashtu më herët është njoftuar se pjesë e listave për zgjedhjet e 25 prillit nuk do të jenë as Vasilika Hysi, Sadri Abazi, Besnk Baraj e Alfred Peza. Ditën e sotme në orën 19:30 pritet të mblidhet edhe kryesia e Partisë Socialiste.
Kujtojmë që sot është afati i fundit për partitë politike që të dorëzojnë listat e kanidatëve për deputetë në Komisionin Qendror të Zgjedhjeve. Lëvizja Socialsite është e vetmja nga tre partitë e mëdha që e ka dorëzuar listën me emrat që do të garojnë në 12 qarqet e vendit. Kryetarja Monika Kryemadhi, ka zgjedhur që të jetë në krye të tre qarqeve; Tiranë, Elbasan dhe Fier. Nga ana tjetër Rama ka deklaruar më herët kandidimin e tij në Vlorë e në Durrës, ndërsa lideri i Partisë Demokratike, Lulzim Basha nuk ka konfirmuar ende asgjë edhe pse gjatë deklaratave të mëparshme është shprehur për një mundësi kanidimi në Tiranë.
