Policia e Tiranës ka arrestuar tre persona bashkëpunëtorë në vrasje, ndërsa një i katërt u shpall në kërkim, për ekzekutimin e 26-vjeçarit Jurgen Kurti.
Të arrestuarit janë: Esli Levendi 21 vjeç, lindur në Athinë/Greqi dhe banues në Tiranë, Alesio Berberi 33 vjeç lindur në Patos, Olsi Qalliaj, 22 vjeç, lindur në Fier dhe banues në Patos.
Ndërkohë mësohet se personat që tetë ditë më parë ekzekutuan në Tiranë, poshtë shtëpisë së tij, 26-vjeçarin i njohur si biznesmen dhe menaxher i personazheve të njohur të show-bizzit janë vrasës me pagesë.
Burime “Report Tv”, thanë se autorët dyshohet të jenë paguar 30 mijë euro për ekzekutimin e Jurgen Kurtit.
Ndërkohë nuk dihet ende se kush është personi/at që ka dashur kokën e Jurgen Kurtit. Pista kryesore e hetimeve mbetet hakmarrja.
