Kryeministri Edi Rama ka prezantuar pak më parë emrat që do të udhëheqin listën e Partisë Socialiste në zgjedhjet e 25 prillit. Ai tha se do të pranonte vetëm dy pyetje nga gazetarët, por bëri përjashtim me rastin e 8 Marsit, duke pranuar edhe një pyetje të tretë. Dhe pikërisht pyetje kishte të bënte me largimin nga PS të figurave të njohura. Rama tha se ky është një sport skuadre dhe secili shihet si kontribuon. Fjalën Rama e mbylli me vargjet e Kadaresë “Ca pika shiu ranë mbi qelq”, duke iu referuar edhe kushteve atosferike në të cilat e mbajti konferencën
“Do të doja që ju të kishit të qartë një gjë, që ky nuk është një sport individual . Ky është sport skuadre, partia është skuadër. Nuk është thjesht çështje spikateje individualiteti, por shumë më shumë. Nuk është thjesht çështje e një lojtari që driblon bukur, sepse janë dhe ata që mborjnë bukur, ata që presin topat. Dhe vendoset nga ata që i shohin se kur zgjohen nga gjumi, çfarë ore vijnë në steërvitje, sa e mbështesin njëri-tjetrin, sa janë të gatshëm të tolerojnë njëri-tjetrin. I them këto, sepse i them shqiptarëve që skuadra jonë ka qenë kompetitive prandaj kemi arritur ato që kemi arritur.Çfarë nuk është arritur duhet përsëri të adresohet në sensin e përmisimit të skuadrës. Shumë faleminderit. Ca pika shiu po bien mbi qelq”, tha Rama.
