23-vjeçari shqiptar, Atilio Drekai ka ndërruar jetë në spital pasi u dhunua barbarisht me shkopa bejsbolli në parkingun e një qendre tregtare, në Mantua.
La Stama shkruan se procedurat kanë filluar të deklarojnë vdekjen e trurit dhe ta shkëpusin atë nga makineria që e mban gjallë. I riu ishte shtruar natën midis të enjtes dhe të premten e kaluar në njësinë e kujdesit intensiv të spitalit Carlo Poma në Mantua
Po ashtu e përditshmja italiane shkruan se Pier Francesco Ferrari, 35 vjeç, banues në San Giorgio di Bigarello, me rekord penal për drogën, është akoma shumë i rëndë, gjithashtu i shtruar në spital në gjendje të rëndë në Poma pas dhunës së ushtruar ndaj tij . Ai ishte me 23-vjeçarin shqiptar në momentin që ngjarja ndodhi.
Ndër te tjera mësohet se motivi i sulmit të dhunshëm me shkopa bejsbolli ku dy të rinjtë u përfshinë, natën midis të enjtes dhe dje në sheshin e një qendre tregtare në periferi të Mantova, duket se është ai i ndëshkimit për çështje që lidhen me tregëtinë e drogës. Karabinierët janë duke punuar në këtë pistë dhe janë duke dëgjuar disa dëshmitarë për të rindërtuar skemën e krimit deri tani pista kryesore është ajo e larjes së hesapeve për drogën.
