Djegia e automjeteve duket se është kthyer në një “sport” qytetar në Vlorë. Një autoveturë e tipit “Audi”, morri flakë dhe u dogj totalisht këtë mëngjes në qytetin e Vlorës, në lagjen “24 maji”.
Mësohet se mjeti ishte parkuar në këtë lagje, kur rreth orës 00:45 ka marrë flakë.
Makina rezulton të jetë në emër të një vajze 23-vjeçare me inicialet E.H..
Policia dhe grupi hetimor shkuan në vendin e ngjarjes për të zbardhur rrethanat, por ende nuk ka asnjë informacion ose fakt rreth kësaj ngjarjeje tashmë të përsëritur në Vlorë.
Nuk dihet nëse bëhet fjalë për një zjarrvënie të qëllimshme, apo nëse është një ngjarje aksidentale.
NJOFTIMI NGA POLICIA
“Vlorë.
Më datë 18.11.2020, rreth orës 00:45, në lagjen “24 Maji”, Vlorë, ka rënë zjarr dhe është djegur plotësisht automjeti i markës “Audi, në pronësi të shtetases E. H., 23 vjeçe, banuese në Vlorë.
Grupi hetimor po punon për zbardhjen e rrethanave të ngjarjes”.
/GazetaReforma.com/
