Ditën e sotme u mblodh Komisioni Hetimor për inceneratorët që në orën 09:00 të mëngjesit dhe menjëherë në përfundim të saj Kryetarja e Komisionit Jorida Tabaku tha se dëshmitarja Arjola Kodra nuk është paraqitur në Komisionin Hetimor Parlamentar për inceneratorët.
Gjithashtu Jorida Tabaku tha se Kodra nuk iu përgjigjet telefonatave të stafit të Kuvendit, dhe duhet të sillet forcërisht për të dëshmuar, pasi tregoi se e kanë marrë tre herë në telefon për tu paraqitur në Komision.
Tabaku: Diskutuam sot në mëngjes për praninë e znj.Ariola Kodra. E pritëm në mëngjes, nuk erdhi. E ftuam në orën 15:00. Stafi i Kuvendit dhe posta e posaçme e Kuvendit shkuan në inceneratorin e Tiranës i cili është i mbyllur. Punonjësi ka mbyllur derën dhe tha që nuk ndodhen asnjë nga stafi i inceneratorit i pranishëm në kantier.
I kemi nisur një kërkesë tjetër me postën speciale znj.Ariola Kodra. E kemi marrë disa herë në telefon. Do ta ripërsërisim kërkesën tonë që ajo të jetë këtu pjesë.
Ndërkohë që na ka sjellë një pjesë të informacionit që kërkuam ditën e premte. I bëjmë thirrje znj.Ariola Kodra, punonjësve të inceneratorit të Tiranës të hapin derën, të pranojnë shkresën e Kuvendit, janë letra zyrtare të shtetit shqiptar. Ju lutem merrni njoftimin për të ardhur për të dëshmuar!
