Presidenti Macron e fut Francën në karantinë, duke shtrënguar masat që kishin nisur nga e premtja. Tani qytetarët mund të dalin nga shtëpia vetëm për të shkuar në spital, tha Presidenti Emmanuel Macron në një fjalim televiziv të mërkurën. Ai deklaroi se masat synojnë të ndalojnë një valë në rritje të shpejtë të pacientëve me koronavirus në spitalet franceze.
Gjatë javëve të fundit, Franca ka raportuar dhjetëra mijëra infeksione të reja në ditë dhe tani po regjistron më shumë se 380 raste të reja çdo javë për 100,000 njerëz. Zyrtarët shëndetësorë regjistruan 523 vdekje të lidhura me virusin në 24 orë të martën, shifrën më të lartë ditore që nga prilli, duke e çuar numrin e përgjithshëm të vdekjeve të vendit në 35,541, numri i tretë më i lartë në Evropë pas Britanisë dhe Italisë.
Shumë mjekë francezë kanë bërë thirrje për një bllokim të ri mbarëkombëtar, duke vënë në dukje se 58 përqind e njësive të kujdesit intensiv të vendit tani janë të okupuara nga pacientët Covid-19.
Makron bëri thirrje për një bllokim të plotë, njëmujor, duke thënë “kjo valë do të jetë shumë më shkatërruese për sistemin spitalor. Spitalet nuk do të menaxhojnë nëse nuk marrim masa drastike. ”
“Vala e dytë është këtu” dhe “situata është e rëndë”, tha kryemnistri Castex në një konferencë shtypi, të enjten, ndërsa njoftoi shtrirjen e masave të ndalimit të koronavirusit në 38 departamente më shumë administrative në të gjithë Francën.
“Është e qartë, javët në vijim do të jenë të vështira, shërbimet tona spitalore do të vihen në provë”, ka deklaruar Castex.
Kryeministri ka deklaruar se masat e ndalimit të orarit do të qëndrojnë në vend për gjashtë javë, duke shtuar se situata do të vlerësohet javën e ardhshme dhe se rregullat e shtetrrethimit mund të shtrëngohen, nëse është e nevojshme.
“Nëse nuk arrijmë të ndalojmë pandeminë, do të përballemi me një situatë të rëndë dhe do të duhet të parashikojmë masa shumë më të ashpra,” tha Castex. “Ne ende kemi kohë për ta shmangur atë, por nuk kemi shumë kohë”, shtoi ai.
Banorët duhet të shkarkojnë një certifikatë për aktivitetet e lejuara gjatë karantinës – të tilla si udhëtimi nga ose për punë, kujdes mjekësor, për të vizituar një të afërm ose për të shetitur një qen.
Ata që nuk respektojnë rregullin rrezikojnë një gjobë prej 135 € ndërsa shkelësit e përsëritur mund të përballen me gjobë deri në 3,750 €. Rreth 12,000 oficerë policie dhe xhandarë, përveç ekipeve të policisë bashkiake, janë vendosur për të zbatuar shtetrrethimin.
Ekonomistët paralajmërojnë se një bllokim i plotë mund të ndikojë në Evropë më gjerë, nëse vendet e tjera evropiane goditen rëndë nga infeksionet në rritje, dhe ndjekin shembullin e Francës.
Më herët të Mërkurën, Gjermania njoftoi një mbyllje katër-javore të restoranteve, bareve dhe pajisjeve të kohës së lirë në një përpjekje për të frenuar një rritje të mprehtë të infeksioneve të koronavirusit, pas masave të ngjashme në Itali dhe Spanjë.
/Gazeta Reforma.com/
