Protestuesit e krahut të djathtë po planifikojnë të dalin në rrugët e Madridit për të denoncuar një propozim të diskutueshëm të qeverisë Spanjolle për të ofruar falje për separatistët e burgosur katalanas pas përpjekjes së dështuar të pavarësisë në vitin 2017.
Protesta masive, e cila është planifikuar të fillojë në mesditë të dielën, do të rrisë presionin ndaj kryeministrit Pedro Sanchez i cili ka bërë thirrje për mirëkuptim mbi gjestin e planifikuar që ka mbizotëruar debatin politik për javë të tëra dhe riaktivizoi polemikat mbi ndarjen e Katalonjës nga Spanja.
“Unë e kuptoj se mund të ketë njerëz që mund të kenë kundërshtime mbi këtë vendim që qeveria mund të marrë, duke pasur parasysh atë që ndodhi në 2017-ën,” tha ai të mërkurën gjatë një vizite zyrtare në Argjentinë.
“Por unë kërkoj besimin tuaj. Unë kërkoj mirëkuptim dhe madhështi sepse sfida me të cilën përballemi të gjithë ne – për të promovuar bashkëjetesën – ia vlen “.
Megjithëse qeveria e majtë e Sanchez nuk ka thënë asgjë konkrete për këtë çështje, të gjitha indikacionet sugjerojnë që faljet do të jepen para pushimit të verës.
Por propozimi ka gjeneruar një reagim të madh nga opozita e krahut të djathtë, e cila ka akuzuar qeverinë e pakicës se po dorëzohet në presionin nga partitë separatiste, nga mbështetja e së cilës varet pjesërisht.
