Ish-kreu i Parlamentit të Kosovës, Jakup Krasniqi, është ndaluar sot në mëngjes nga forcat e EULEX-it dhe Policisë së Kosovës.
Prej orës 6:00 të mëngjesit, është bastisur shtëpia e tij në Prishtinë dhe shtëpia në vendlindjen e tij në Drenicë.
Prej mëse 6 orësh, ish-kreu i Kuvendit të Kosovës, jakup Krasniqi, është veçuar në një dhomë në katin e parë të shtëpisë së tij, ku është marrë në pyetje nga efektivë të EULEX-it.
Ndalimi i Jakup Krasniqit, lidhet me aktakuzën për krime lufte gjatë luftës së Kosovës 1998-1999, e cila është dërguar nga Gjykata Speciale në Hagë.
Kujtojmë se Krasniqi ka qenë pjesë e shtabit të Përgjithshëm të Ushtrisë Çlirimtare të Kosovës (UÇK), gjatë luftës së Kosovës.
Pas bastisjes së shtëpisë së tij dhe ndalimit të Jakup Krasniqit, kanë reaguar shuëm zyrtarë, përfshirë dhe ish-kryeministri Ramush Haradinaj, kryeministri Avdullah Hoti, zyrtarë të partisë Nisma dhe anëtarë të Organizatës së Veteranëve të Luftës, OVL-UÇK./GazetaReforma.com/
