Një grua në Vlorë ka bërë një gjest prekës, për të kontribuar në luftën ndaj COVID-19.
“Ora News” raporton, se ajo i ka dhuruar spitalit të Vlorës, respiratorin që kishte blerë për djalin e saj, i cili për fat të keq ka ndërruar jetë.
Aparatura e blerë nga familja Idrizaj nuk u pëdor kurrë për djalin e sëmurë, por tashmë do jetë në funksion të pacientëve me COVID-19.
Gruaja ndërkohë nuk ka kërkuar para për respiraratorin, i cili kushton jo pak, por 20 mijë euro.
Ajo shpreson që me këtë gjest, të shpëtojë të tjera jetë, që të mos kenë fatin e djalit të saj.
Numri i të prekurve ditën e sotme nga COVID-19, ka shkuar në 333.
Në 24 orët e fundit janë kryer 216 testime, nga ku janë identifikuar 29 raste të reja.
Numri i pacientëve të shtruar në spitalin Infektiv është 66, nga të cilët 6 mbahen në terapi intensive, ku 1 prej tyre është intubuar.
Në spitalin COVID2 janë pesë të shtruar, ku 2 prej tyre ndodhen në terapi intensive.
Gjatë 24 orëve të fundit janë shëruar edhe 10 pacientë, duke e çuar numrin në 99, ndërsa numërohen edhe 18 viktima në total.
