Gjykata e Apelit ka ndryshuarin masën e sigurisë për Gjergj Cukalin, personin e akuzuar për vrasjen e ish-efektivit Arben Bilali.
Krimet e Rënda vendosën “Arrest me burg” për Cukalin, masë kjo që hidhet poshtë 4 muaj më vonë, duke e lënë të lirë, shkruan Faxweb.
Kujtojmë këtu se ish-efektivi Arben Bilali u ekzekutua më 30 janar të këtij viti në zonën e Selitës në Tiranë.
Rreth 5 muaj më vonë policia do të arrestojë Cukalin, të njohur ndryshe si “i forti” i Myslym Shyrit.
Ky i fundit është arrestuar edhe më parë nga Policia e Tiranës, por është lënë i lirë, për arsye të paqarta.
Prova që çoi në pranga Cukalin, ishte ADN-ja e marrë nga një shishe uji.
Gjithashtu 40-vjeçari është mik i ngushtë i Emiljano Shullazit dhe rezulton i dënuar më parë për “Prodhim dhe shitje narkotikësh”, “Armëmbajtje pa leje” dhe “Rrëmbim personi”.
