Ministrja e Shëndetësisë u ka bërë thirrjë qytetarëve që të vaksinohen sa më parë ndaj Covid-19, duke e quajtur diçka të tillë një përgjegëjsi morale. Manastirliu shkruan se shifrat në rritje të infektimeve ditore tregojnë se të gjithë duhet të vaksinohen për mbrojtjen e shëndetit dhe jetës.
Ministrja thotë se mbi 1100 vaksinatorë janë çdo ditë në shërbim të qytetarëve në çdo qendër shëndetësore dhe në çdo pikë vaksinimi.
“Shifrat në rritje të infektimeve ditore na ftojnë të gjithëve për përgjegjësi morale dhe qytetare, për t’u vaksinuar sa më parë ndaj #Covid19, për mbrojtjen e shëndetit dhe jetës
Mbi 1100 vaksinatorë janë çdo ditë në shërbim të qytetarëve për vaksinimin anticovid, në çdo qendër shëndetësore dhe pikë vaksinimi të përqëndruar.
Shfrytëzoje këtë muaj të hapur të vaksinimit masiv për çdo qytetar +18 vjeç, për t’u vaksinuar sa më parë ndaj #Covid19”, shlruan Manastirliu.
Shifrat e infektimeve kanë pësuar vnjë rritje të ndjeshme ditën e sotme, me 410 raste të reja. Në 24 orët e fundit janë shënuar gjithashtu edhe dy viktima nga virusi.
Muaji gusht do të jetë muaj i hapur vaksinimi për të gjithë qytetarët, që mund të marrin dozat e tyre të vaksinës në çdo qendër shëndetësore ose në pikën më të afërt të vaksinimit.
